Bozdag bo birêvebirên Amerika: Neyên Tirkiyê!

K24 – Navenda Nûçeyan

Cîgirê Serokwezîrê Tirkiyê Bekir Bozdag li Civîna gencên AKP ên Newşehirê de axifî û gotinên gelek tund hemberî desthilata Amerikayê bikar anî.

Bozdag got: “Hûn bi terorîstan re wêneyan dikşînin û wan belav dikin. Hûn bi vê yekê dixwazin peyamê bigihînin Tirkiyê. Bes bi sebra me bilîzin. Ji bo ku hûn daxwazên xwe bi Tirkiyê bidin pejirandin tên Enqere. Neyên! Di destpêkê de herin çekên ku we dayî terorîstan kom bikin.

Millet ne kor e. Em her tiştî dizanin. We sozên xwe beramberî Tirkiyê bicîh neanî! iI niha û pê de , em dê li kiryarên we temaşe bikin, ne sozên we!”…