Li Efrînê, çekdaran welatiyekî din di bin eşkenceyê de dikujin

K24 – Navenda Nûçeyan

Li Efrînê çekdarên opozîsyona Sûriyê welatiyekî Kurd ê ku tenduristiya wî ya derûnî ne baş bû revandin û di bin eşkenceyê de kuştin.

Li jêderên ji Efrînê, çekdarên ser bi Tirkiyê ve welatiyê bi navê Hisên Şêxo ku 52 salî yê nexweş ji gundê Mosaka yê navçeya Raco revandibûn û pêr termê li geliyê Tîra hat dîtin û şûna eşkenceyan li ser laşê wî hebûn.

Ji aliyekî din, Rêxistina Mafên Mirovan li Efrînê di daxuyaniyekê de da zanîn, grûpên çekdar ên wek Lîwaya Sultan Murad, Firqeya Hemzat û Ehrar El-Şerqiye kiryarên dizî, talan, revandin bi awayekî berfereh dikin, ta gihîşt çend welatiyên Efrînê di eşkenceya wan de bêne kuştin.

Rêxistinê amaje bi wê yekê jî kir, di sê rojên derbasbûyî de 11 welatiyên Efrînê ji aliyê grûpên çekdar ve hatine revandin, ji bo berdana her kesekî jî çekdaran daxwaza 3 hezar Dolar kirine.

Herwiha, duhî li gendê Basûtê yê Şêrewa berberê gund Şadî Betal Xidir ji aliyê grûpa El-Hemzat ve hat revandin û ta niha çarenivîsa wî ne diyar e.

Li Efrînê ku 18ê Adarê ji aliyê artêşa Tirkiyê û çekdarên ser bi Tirkiyê ve hatibû dagîrkirin talan, kuştin, revandin, îşkence berdewam dikin.

S. B