Parlemantoya Kurdistanê biryara referandûma serxwebûna Kurdistanê pesend kir
K24 – Navenda Nûçeyan
Di rûniştina awarte ya îro de, parlmantoya Kurdistanê bi piraniya dengan biryara birêvebirina referandûna serxwebûna Kurdistanê pesend kir.
Îro demjimêr 19:00, bi beşdariya tevahiya firaksyonên parlemantoyê, ji bilî firaksiyonên Goran û Komela Îslamî, parlemantoya Kurdistanê rûdine.
Li gor naveroka rasperdeya pesendkirî, referendum di dema xwe ya diyrkirî de li Herêma Kurdistanê û navçeyên Kurdistanî yên li derveyî Herêma Kurdistanê bê kirin.
Rûniştina îro li ser daxwaza 62 parlemanteran e, ku îmze kom kiribûn ji bo encamdana vê rûniştinê û 68 parlemanter di rûniştinê de beşdar bûn.
Li gor rêkeftina firaksiyona PDK û YNKê li ser karnameya rûniştinê, Sekreterê Parlemantoyê hat destnîşankirin.
Pêştir K24ê aşkere kiribû, ku li gor rêkeftina di navbera firaksiyonan, biryar e Pêgerd Talebanî ji firaksiyona YNKê bi awayekî demkî dibe Sekretera Parlemantoyê.
Îro hevdem ligel rijdbûna firaksiyonan li ser encamdana rûniştina parlemantoyê, her yek ji Tevgera Goranê û Komela Îslamî red kirin beşdarî rûniştinê bibin.