Cihê namzediya hevserokên HDP'ê diyar bû

K24 – Navenda Nûçeyan

Bajarên ku hevserokên HDPê lê bibin namzed eşkere bûn. Perwîn Buldan wê li Stenbolê û Sezaî Temellî jî wê li Wanê bibe namzed.

Îro Meclisa Rêveber a HDPê civiya û awayê dawî yê lîsta namzed û kîjan namzed li kû derê bibe namzed diyar kir.

Hevseroka HDPê Perwîn Buldan wê li Stenbolê û Sezaî Temellî jî wê li Wanê bibe namzedê parlamentoya Tirkiyê.

Buldan û Temellî di Kongreya Sêyemîn ya Awarte ya HDPê de bi 823 dengan bibûn hevserokên nû yên HDPê.

Îro heta demjimêr 17.00 pêwîst e hemû partiyên Tirkiyê yên beşdarî hilbijartinê bibin navê namzedên xwe bidin Komîsyona Bilind a Hilbijartinên Tirkiyê.

S. B