بەرکەوتەیەکی دیکەی کیمیاییبارانی هه‌ڵه‌بجه شەهید بوو
K24 - هه‌ڵه‌بجه:
به‌ركه‌وته‌یه‌كی دیكه‌ی كیمیاییبارانكردنى هه‌ڵه‌بجه، شه‌هید بوو، كه 31 ساڵ به‌ر له ئێستا به‌ر هێرشه كیمیاییه‌كه كه‌وت.
په‌یامنێری كوردستان 24 له هه‌ڵه‌بجه رایگه‌یاند، هاووڵاتی "کبری عبداللە بارام"، كه یه‌كێك بوو لە بەرکەوتووانی کیمیایبارانی هەڵەبجە، شەهید بوو.
به گوێره‌ی زانیارییه‌كان، له دوای ئه‌و هێرشه كیماییه و تاوانه‌كه‌ی رژێمی به‌عس رووخاو، ناوبراو 109ه‌مین به‌ركه‌وتووی چه‌كی كیمیاییه شه‌هید ده‌بێت.
31 ساڵ به‌سه‌ر كیمیاییبارانكردنی شاری هه‌ڵه‌بجه‌دا تێپه‌ڕیوه، به‌ڵام تا ئێستاش تراژیدییای به‌ركه‌وتووانی چه‌كی كیمیایی كۆتایی نه‌هاتووه.
ئ. م