رێكخراوى بهدر: ئهندامێكى ئهنجوومهنى نوێنهران داعشه
K24 – بهغدا:
نووسينگهى راگهياندنى رێكخراوى بهدر، له بهياننامهيهكدا رايگهياند، زافر عانى داعشه.
له بهياننامهكهدا، رێكخراوى بهدر، رهخنهى له زافر عانى گرتووه و به نوێنهرى داعش وهسفيكردووه.
ههروهها هاتووه: ناوهێنانى حهشدى شهعبى له لايهن زافر عانييهوه، پيشانى دهدات، ناوبراو به دڵێكى رقاوى و نهخۆشهوه و لايهنگرانه بۆ نهيارانى عێراق لێدوان دهدات و پێويست بوو ناوبراو نوێنهرى داعش بێت.
پێشتر سهرۆكى كوتلهى بهدر له ئهنجوومهنى نوێنهرانى عێراق، قاسم ئهعرهجى، رايگهياندبوو، بوونى زافر عانى و هاوشێوهكانى له ناو ئهنجوومهنى نوێنهراندا وايكردووه، پرۆسهى سياسى له عێراقدا ئيفليج ببێت.
ههروهها گوتبووى: زافر عانى نوێنهرايهتى سياسهتى داعش دهكات.
ئهندامى ئهنجوومهنى نوێنهرانى عێراق له كوتلهى يهكێتيى هێزه عێراقييهكان زافر عانى، دوێنێ پێنجشهممه 25ى كانوونى يهكهم/ ديسهمبهرى 2015، رايگهياندبوو، پێويسته شهڕى رومادى شهڕێكى پاك بێت و نهبێته شهڕێكى مهزههبى و حهشدى شهعبى تێيدا بهشدارى نهكات.
رۆژى سێشهممهى رابردوو، هێزه ئهمنييهكانى عێراق به هاوكارى هاوپهيمانێتى نێودهوڵهتى دژى داعش، ئۆپراسيۆنى رزگاركردنى روماديان دهستپێكردووه.
هێزه ئهمنييهكان گهيشتوونهته ناوهندى شارهكه و به گوێرهى لێدوانى بهرپرسانى سوپا، تهنيا ژمارهيهك چهكدارى داعش له شارهكهدا ماوون.
رومادى له ئايار/مايۆى رابردوودا، به تهواوى له لايهن داعشهوه كۆنترۆڵكرا.