سه‌رۆك بارزانی: بە بیستنی هەواڵی رووداوی دڵتەزێنی ئاگركەوتنەوەی نەخۆشخانەكه‌ی بەغدا زۆر دڵگران بووم

K24 - هه‌ولێر:

سه‌رۆك مه‌سعود بارزانی، له‌ په‌یامێكدا هاوخه‌می خۆی بۆ قوربانیانی رووداوی ئاگركه‌وتنه‌وه‌ی نه‌خۆشخانه‌ی "ئیبن خه‌تیب"ی تایبه‌ت به‌ كۆرۆنا له‌ به‌غدا ده‌ربڕی، كه‌ بووه‌ هۆی گیان له‌ده‌ستدان و برینداربوونی ژماره‌یه‌ك هاووڵاتی.

له‌ په‌یامه‌كه‌ی سه‌رۆك بارزانیدا هاتووه‌، بە بیستنی هەواڵی رووداوی دڵتەزێنی ئاگركەوتنەوەی شەوی رابردووی نەخۆشخانەی ئیبنی خەتیبی  بەغدا زۆر دڵگران بووم و پرسە و سەرەخۆشی خۆم ئاراستەی خانەوادە و كەسوكاری قوربانیانی ئەو كارەساتە دەكەم و خۆم بە هاوبەشی خەمیان دەزانم.

ده‌قی په‌یامه‌كه‌ی سه‌رۆك بارزانی:

بەناوی خودای بەخشندە و میهرەبان

بە بیستنی هەواڵی رووداوی دڵتەزێنی ئاگركەوتنەوەی شەوی رابردووی نەخۆشخانەی ئیبنی خەتیبی  بەغدا زۆر دڵگران بووم، كە بەداخەوە بووە هۆی گیانلەدەستدان و برینداربوونی ژمارەیەكی زۆری هاووڵاتیان.

پرسە و سەرەخۆشی خۆم ئاراستەی خانەوادە و كەسوكاری قوربانیانی ئەو كارەساتە دەكەم و خۆم بە هاوبەشی خەمیان دەزانم و هیوای چاكبوونەوەی خێراش بۆ برینداران دەخوازم.

مه‌سعود بارزانی

٢٥ـی نیسانی ٢٠٢١