ڤاڵبوێنا: زۆر شه‌رمه بۆ بێنزێما ئه‌مڕۆ له دادگا ئاماده نه‌بوو
ماتیۆ ڤالبوێنا هێرشبەری پێشووی هەڵبژاردەی فەرەنسا ئەمڕۆ لەگەڵ پارێزەرەکەی لە دادگا ئامادەبوو بۆ بەرگری کردن لە کەیسی بڵاوکردنەوەی گرتەیەکی ڤیدیۆیی لە ساڵی 2015، ئەو یاریزانە دوای کۆتایی هاتنی دانیشتنی دادگا رایگەیاند کە دڵگرانە ئەمڕۆ کەریم بێنزێما لە دادگا ئامادەنەبووە.
ماتیۆ ڤاڵبوێنا له لێدوانێكدا بۆ میدیایه‌كان گوتی: ئەمڕۆ شەش ساڵ بەسەر ئەم کەیسەدا تێدەپەڕێت و هەموو کەسێک لێرەیە، بێجگە لە کەریم بێنزێما، ئەمەش مایەی شەرمەزاریە، بەڵام ئێمە تاوەکو کۆتایی لەسەر ئەم کەیسە بەردەوام دەبین، شەش ساڵە چاوەڕێ کۆتایی هاتنی ئەم کەیسە دەکەم و تاوەکو نەگەینە ئەنجامی کۆتایی هەر بەردەوام دەبین.
ئەم دۆسیەیە دەگەڕێتەوە بۆ ساڵی 2015 ئەم کاتەی ڤالبوێنا لەلایەن چەند کەسێکی نەناسراو هەوڵدرا ئابڕووی ئەم یاریزانە ببەن و ڤیدیۆی ئابڕووبەرانەی ئەم یاریزانە بڵاو بکەنەوە، ئەم کاتە بێنزێما ئامۆژگاری ڤالبوێنای کرد کە بە پارە خۆی لەم دۆسیەیە رزگار بکات، دواتر بێنزێما به هۆكاری بڵاوكردنه‌وه‌ی گرته ڤیدیۆییه‌كه تێوه‌گلا.