وەزارەتی کاروباری شەهیدان ئاگادارییه‌كی بڵاوكرده‌وه
K24- هه‌ولێر:
وه‌زاره‌تی كاروباری شه‌هیدان و ئه‌نفالكراوانی حكومه‌تی هه‌رێمی كوردستان، ئاگادارییه‌كی بڵاوكرده‌وه، تێیدا هاتووه، داوا له كه‌سوكاری شه‌هیدان ئه‌وانه‌ی له زانكۆ و په‌یمانگه‌كان ده‌خوێنن، سه‌ردانی بەڕێوەبەرایەتییە گشتیەکانی کاروباری شەهیدان و ئەنفالکراوان بكه‌ن.
ده‌قی ئاگادارییه‌كه:
ئاگاداری سەرجەم خوێندکار و قوتابیانی کوڕ و کچی شەهیدان و ئەنفالکراوان و زیندانیکراو و گیراوی سیاسی (خۆی یان یەکێک لە منداڵەکانی) لە ناو هەرێمی كوردستان لە زانکۆ و پەیمانگا و قوتابخانەکان دەخوێنن، بەپێی یاسا و رێنماییەکانی وەزارەتی کاروبارى شەهیدان و ئەنفالکراوان، زیندانیکراو و گیراوی سیاسی، سوودمەند دەبن بۆ ساڵانی خوێندنی (2019-2020) بەرەو خوار.
ئەوانەی مامەڵەیان نەکردووە یان نەیانهێناوە لە ماوەی (15) رۆژ لە رۆژی یەکشەممەوه لە رێکەوتى ( 13 / 2 / 2022) تاکو 28 / 2 / 2022، سەردانی بەڕێوەبەرایەتیە گشتیەکانی کاروباری شەهیدان وئەنفالکراوان لە (هەولێر- سلێمانی- دهۆک) و بەڕێوەبەرایەتی کاروباری زیندانییە سیاسیەکان و بەڕێوەبەرایەتى کاروبارى شەهیدان و ئەنفالکراوانى کەرکووک بکەن بۆ کارى پێویست.
بە پێچەوانەوە خۆیان بەرپرس دەبن و مافی داواکردنیان نامێنێ.
لەگەڵ ڕێزدا