گومان دهكرێت دەیان خێزانی عێراقی لە ئۆكرانیا دەستبەسەر کرابن
K24 - ههولێر:
ئەحمەد سەحاف، گوتەبێژی وەزارەتی دەرەوەی عێراق رایگەیاند، تاوەکو ئێستا بە فەرمی و زانیاریی پشتڕاستکراو دڵنیا نەکراوینەتەوە لەوەی هاووڵاتیانی عێراقی لە ناوچەی سۆمی، لەلایەن چەکدارانی ئۆکرانی دەستبەسەرکرابن.
سەحاف ئەوەشی راگەیاند، وەزارەتەکەی لە باڵیۆزخانەی عێراق لە کیێڤ و رەوەندی عێراقیی و کەسایەتییەکانەوە بەدواداچوون بۆ راستییەکان دەکەن، بۆ ئەمەش باڵیۆزخانە پەیوەندی بە دەسەڵاتدارانی حکومەتی ئۆکرانیاوە دەکەن.
شاری سومی، نزیك سنووری رووسیایە و دەکەوێتە باکووری رۆژهەڵاتی ئۆکرانیا، بەهۆی هێرشەکانی سوپای رووسیاوە تاوکو ئێستا لەلایەن چەکدارە جوداخوازەکانی ئۆکرانیاوە گەمارۆ دراوە و بەگوێرەی زانیارییەکانیش دەیان خێزانی عێراقی و سەدان خێزانی ئۆکرانی لەو شارەدا دەست بەسەرکراون.