فڕۆکەکانی تورکیا کەمپی پەکەکە لە مەخموور بۆردومان دەکەن
K24 – هەولێر
فڕۆکە بێفڕۆکەوانەکانی تورکیا، کەمپی پەکەکە لە مەخموور بۆردومان دەکەن.
بەگوێرەی زانیارییەکانی پەیامنێری کوردستان24، لە بۆردومانەکەدا ئۆتۆمبێلێکێک لەناو کەمپەکە کراوەتە ئامانج.
پەیامنێرمان رایگەیاند: "تائێستا زیانەکانی بۆردومانەکەی تورکیا بۆ سەر کەمپی پەکەکە لە مەخموور نەزانراوە".
ئەمە لە کاتێکدایە سەر لە بەیانی ئەمڕۆ، دوو فڕۆكەی بێفڕۆكەوانی تورکیا لە گوندی تووقەڵ-یان لە سنووری ناحیەی ئاخجەلەری سەر بە چەمچەماڵ، ئۆتۆمبێلێكیان کردە ئامانج، بەو هۆیەوە پێنج کەس لەناو ئۆتۆمبێلەکەدا گیانیان لەدەستدا و ناسنامەی دوویان ئاشکرا کراوە کە دانیشتووی ناوچەکەن.