فەرەنسا و ئەڵمانیا لە رووبەڕووبوونەوەی قاچاخچییەکان هاوکاری یەکدی دەکەن
K24 - هەولێر:
وەزیرانی ناوخۆی فەرەنسا و ئەڵمانیا رێكکەوتنێکیان بەمەبەستی رووبەڕووبوونەوەی کۆچبەرانی نایاسایی لە سنورەکانی هەردوو وڵات واژۆکرد.
لە میانەی کۆبوونەوەیان لە پاریس هەریەکە لە جیراڵد دارمانان وەزیری ناوخۆی فەرەنسا و نانسی فێریز هاوتا ئەڵمانییەکەی رێیککەوتن لەسەر چاودێریکردنی سنوورەکانیان و رێگریکردن لەو کۆچبەرانەی هیچ بەڵگەنامەیەکی مانەوە و یاساییان لە ئەوروپا نییە.
هەر بەپێی رێککەوتنەکەی ئەڵمانیا و فەڕەنسا، هێزە سنورییەکانی هەردوولا هاوکاری یەکدی دەکەن لە رووبەڕووبوونەوەی قاچاخچییەکان و ئەو باندانەی کارییان گواستنەوەی پەنابەری نایاساییە بۆ ئەوروپا.