ئەحمەد ئۆزال خۆی بۆ پۆستی سەرۆک کۆماری تورکیا کاندید دەکات

K24 - هەولێر

ئەحمەد ئۆزال، کوڕی تورگوت ئۆزال هەشتەمین سەرۆک کۆماری تورکیا، بە پشتیوانی 10 پارتی سیاسی خۆی بۆ پۆستی سەرۆکایەتی وڵاتەکەی کاندید دەکات.

ئەمڕۆ سێشەممە 14/3/2023، ئەحمەد ئۆزال لە کۆنفرانسێکی رۆژنامەوانی دا لە ئیستانبوڵ بە فەرمی بەربژێربوونی خۆی رادەگەیەنێت.

تا ئێستا ئەردۆغان، کەمال کلچدارئۆغڵو و سینان ئۆغان خۆیان بۆ پۆستی سەرۆک کۆماری تورکیا کاندید کردووە.‌

بڕیارە لە 14ی ئایاری 2023، هەڵبژاردنەکانی سەرۆکایەتی کۆمار و پەرلەمانی تورکیا بەڕێوەبچێت، 36 پارت ناوی خۆیان بۆ بەشداریکردن لە هەڵبژاردن تۆمار کردووە، زۆربەی پارتەکان لە چوارچێوەی سێ هاوپەیمانێتی بەشداری هەڵبژاردن دەکەن.