Barzanî di panêlekê de behsa şerê DAIŞê û rewşa penaberan dike

K24 – Munchen

Serokê Herêma Kurdistanê Masûd Barzanî, nûtirîn pêşhatên siyasî û ewlehiyê yên Herêma Kurdistanê û navçeyê di panelekê de vedibêje.

Peyamnêrê K24ê li Munchenê ragehand ku, biryar e sibe, duyemîn roja kongreya Munchenê bo Asayişa Cîhanê, Serokê Herêma Kurdistanê Masûd Barzanî panelekê encam bide.

Herwiha peyamnêrê me diyar kir jî, di wê panêkê de, Bazanî behsa pêşhatinên şerê DAIŞê, rewşa penaberan û pêwendiyên Herêma Kurdistanê û welatên navçeyê bike.

Serokê Herêma Kurdistanê Mesûd Barzanî li Munchenê ligel Wezîrê Derve yê Amerîkayê John Kerry û Nûnerê Obama di Hevpeymaniya Dijî DAIŞê de Breet Mc Gurk civiya.

Serokê Herêma Kurdistanê Mesûd Barzanî jî duh bi armanca beşdarbûna Konferansa Munchenê bi rêya Firokexaneya Navdewletî ya Hewlêrê ber bi Elmanya birê ket.

Ji Buhara sala 1963an ve li Munchen a Almanyayê Konferansa Ewlehiyê tê lidarxistin. Di konferansê de, li ser rewşa ewlehiya cîhanê gotûbêj tên kirin.