Siyasî

Komisyona Ewrûpa: Li Tirkiye maf û azadî tên binpêkirin

Komîsyona Ewrûpayê, rexne li desthilata Tirkiyê digre ku, di warê azadiyan de paşveçûna wan didom e û da zanîn di mercên Rewşa Awarte de, hilbijartineke dadwerane nayê kirin

Kurdistan24 Hewlêr 2018/05/04 19:17

tirkiyê Komisyona Ewrûpa Rewşa Awarte Maf Azadî Binpêkirin

K24 – Navenda Nûçeyan

Komîsyona Ewrûpayê, rexne li desthilata Tirkiyê digre ku, di warê azadiyan de paşveçûna wan didom e û da zanîn di mercên Rewşa Awarte de, hilbijartineke dadwerane nayê kirin.

Berpirsê Komîsyona Ferehbûna Yekîtiya Ewrûpayê Johannes Hahn, di rûniştina taybet a Parlamentoya Ewropayê de balkişand ser rewşa Tirkiyê û got, li Tirkiyê paşveçûna azadiya hizrê berdewam e.

Da zanîn, naye qebûlkirin siyasetmedar, rojnamevan û akademisyen di zîndanê de bin û got, ew bi gûmanan li dirêjkirina Rewşa Awarte dinerin, ku rola dadgehan nahêle û derfetên hilbijartinên dadwerane ji holê radike.

C.B