Siyasî

Netanyahu gefê li Îran û Sûrya dike

Navhatî: Artêşa Israîlî wê bi awayekî bihêz rê li ber bizavên Îran bigire û nahêle ku çekdar û çekên pêşketî li Sûrya belav bike.

Kurdistan24 Hewlêr 2018/08/31 12:11

rojhilata Navîn Israîl Îran Sûrya

K24 - Navenda Nûçeyan.

Serokwezîrê Israîlê Benjamin Netanyahu gefa encamdana êrîşekê li dijî bingehên Îranî û yên Rêjîma Sûryê dike.

Rojnameya Yediot Ahronot a Israîlî ragihand, ku Benjamin Netanyahu di merasîmeke taybet de, ji bo guherandina navê bingeha etomî ya Deymona bi navê serokwezîrê berê yê Israîl (Shimon Peres) gotarek pêşkêş kir û têde balkişand ser rêketina alîkariya serbazî, ya ku di navbera rêjîma Esed û Îranê de hatiye îmzekirin.

Netanyahu tekez kir, ku ne rêketina di nav Îran û Sûrya de û ne gefên wan welatan, nikarin bizavên Israîl li dijî Îran û Sûrya rawestînin.

Navhatî got jî: Artêşa Israîlî wê bi awayekî bihêz rê li ber bizavên Îran bigire û nahêle ku çekdar û çekên pêşketî li Sûrya belav bike.

N.O