Li Licê şer û pevçûn: 3 mirî û 5 birîndar
K24 – Navenda Nûçeyan
Li navçeya Licê ya Diyarbekirê di navbera du malbatan de şer û pevçûn derket û di encama şer de 3 kesan jiyana xwe ji dest dan û 5 kes jî birîndar bûn.
Hat ragihandin ku li gundên Pîrik û Celik ên ser bi navçeya Licê, di navbera du malbatan de ji ber erd û zeviyan pevçûn derket.
Di encama şer û pevçûnê de ku çek hatin bikaranîn, 3 kesan canê xwe ji dest dan û 5 kes jî birîndar bûn.
Hat diyarkirin ku hêzên ewlehiyê û ambulans gihiştine cihê rûdanê û her pênc birîndar bo nexweşxaneyê hatine veguhestin.