Li Herêma Kurdistanê rewşa dawî ya Koronayê
![](https://d2wqffb2bc8st5.cloudfront.net/images/Jan-2021/16098481970ccfc3a61145fbce1af8e6f1c25d430e_L.jpg)
Hewlêr (K24) – Wezareta Tendirustiyê ya Herêma Kurdistanê ragihand; di 24 demjimêrên borî de 107 kes bi vîrûsa koronayê (Covid-19) ketine û 6 kesan jî jiyana xwe ji dest dane.
Wezareta Tendirustiyê di daxuyaniya xwe de eşkere kir; di 24 demjimêrên borî de 107 kes bi vîrûsa koronayê ketine, ku ji wan 21 kes li Hewlêrê, 32 kes li Silêmaniyê, 50 kes li Duhokê, 2 kes li Germiyanê û 2 kes jî li Raperînê ye.
Herwiha ragihand; 6 kesan ji ber vîrûsa koronayê canê xwe ji dest dane, ku ji wan 2 kes li Hewlêrê û 4 kes li Duhokê ne.
Li ser hejmara nexweşên baş bûne, hat eşkerekirin ku di 24 demjimêran de 986 kes ji vê nexweşiyê rizgar bûne, ku ji wan 334 kes li Hewlêrê, 175 kes li Silêmaniyê, 382 kes li Duhokê, 2 kes li Helebceyê, 52 kes li Raperînê, 37 kes li Germiyanê ne.
Amarên giştî:
Pêketin: 103871
Mirin: 3403
Başbûn: 75118
Wezareta Tendirustiyê, ji bilî ku destxweşiyê li karmendên tendirustiyê û hemû tîmên bijîşkî yên li ser kar in dike, careke din ji welatiyan daxwaz dike, pabendî rênimayên tendirustiyê bibin û ji cihê qerebalix dûr bikevin û mask û lepikan bikar bînin. Herwiha gava hewce bû telefonî hejmara 122ê bikin ku xeta yekser a ji bo Covid-19ê ye.