Trump dê beşdarî merasîma destbikarkirina Joe Biden nebe

Navenda Nûçeyan (K24) - Serokê Amerîkayê Donald Trump îro ragihand ku ewê beşdarî merasîma sondxwarina serokê hilbijartî Joe Biden nebe.

Donald Trump li ser hesabê xwe yê Twitterê ragihand: “Ji bo kesên ku dipirsin, ezê di merasîma sondxwarinê ya 20ê Çileyê de amade nebim.”

Ajansa Reutersê ji çavkaniyeke agahdar belav kiriye; li Koşka Spî hatiye gotûbêjkirin ku Trump berî destbikarkirina serokê nû, tê çaverêkirin ku biçe havîngeha xwe ya li Florîdayê.

Di navbera rexneyên tund û îdiayên dûrxistina ji desthilat de, Trump roja piştî bûyera li avahiya Kapîtol, gotarek pêşkêş kir û êrîşkirina ser Kongresê bi tundî şermezar kir, ku bûbû sedema kuştina 5 kesan, soz dabû ku bi awayekî rêk û pêk, desthilat radest bike, lê bêyî ku navê Joe Biden bîne ziman, gotibû: “Di 20ê Çileyê de îdareyeke nû dê were damezrandin.”