Mesrûr Barzanî: Em bi hev re berevaniyê li azadiya ol û ayînan dikin
Hewlêr (K24) – Serokwezîrê Herêma Kurdistanê Mesrûr Barzanî ragihand; Îro em bi hev re tekezî li rêzgirtina azadî û fire olî dikin, ev rêbaza ku li ser vê axê çendîn nifş in tê peyrewkirin.
Serokwezîr Mesrûr Barzanî li ser hesabê xwe yê Twitterê diyar kir: “Ez şerefmend im ku pêşwaziya cenabê Papa Francis bo Kurdistanê bikim. Hatina cenabê wî û encamdana dua û nimêja bi komî li Hewlêrê, tekezkirina peyama xoşewîstî û lêborînê ye. Em pabendbûna xwe car din tînin ziman ji bo girîngîdana hejar û kesên çewisandî û zilmlêkiriyan.”
Mesrûr Barzanî di beşeke din a tweeta xwe de behsa azadiya olan li Herêma Kurdistanê dike û dibêje: “Îro em bi hev re tekezî li rêzgirtina azadî û fire olî dikin, ev rêbaza ku li ser vê axê çendîn nifş in tê peyrewkirin.”
Serokwezîr herwiha destnîşan kir: “Ez bejna xwe ji bo rêzgirtinê li ber xebat û têkoşîna wan Pêşmergeyên qehreman ditewînim, ku canê xwe ji bo parastina pêkvejiyana aştiyane û lêborînê û alîkarîkirina xwişk û birayên Mesîhiyên deşta Neynewa kirin qurbanî û xaça li ser dêra wan bilind kirin.”
شەرەفمەندم پێشوازی له قهداسهتی پاپا فرانسیس بۆ کوردستان بکەم. هاتنی جەنابیان و ئەنجامدانی نزا و نوێژی بە کۆمەڵ لە هەولێر، دووپاتکردنەوەی پەیامی خۆشەویستی و لێبووردەییە. پابەندبوونی خۆمان دووپات دهكەینەوە بۆ بایەخدان بە هەژاران و پەراوێزخراو و چهوساوه و ستەملێكراوان. pic.twitter.com/I0N46rYHPv
— Masrour Barzani پابەندین# (@masrour_barzani) March 7, 2021