Li Îranê di rojekê de 385 kesan bi Koronayê canê xwe ji dest dan

Li Komara Îslamî ya Îranê 385 kesên din bi vîrusa Koronayê canê xwe ji dest dan.

Kurdistan24 Hewlêr 2021/04/29 19:48

Navenda Nûçeyan (K24) – Li Komara Îslamî ya Îranê 385 kesên din bi vîrusa Koronayê canê xwe ji dest dan û nêzîkî 20 hezar kesan jî bi vê vîrusê ketin.

Wezareta Tenduristiyê ya Îranê ragihand, di nav 24 demjimêrên borî de 19 hezar û 899 kes bi Koronayê ketine.

Wezaretê herwiha da zanîn, ji duh ve 385 kesan bi Koronayê jiyana xwe ji dest dane û hejmara miriyan gihîştiye 71 hezar û 351 kesan.

Li Îranê rojane bi hezaran pêketiyên Koronayê jî baş dibin û heta niha bi giştî nêzîkî 2 milyon kesan baş bûne.