Sibe Nêçîrvan Barzanî û Îbrahîm Reîsî dicivin

Hewlêr (K24) - Sibe Serokê Herêma Kurdistanê Nêçîrvan Barzanî ligel Serokê nû yê Komara Îslamî ya Îranê Îbrahîm Reîsî civînek pêk tîne.

Serokê Herêma Kurdistanê Nêçîrvan Barzanî îro pêncşemê 5ê Tebaxa 2021ê li Tehranê beşdariya rêwresma sondxwarina Serokê nû yê Komara Îslamiya Îranê Îbrahîm Reîsî kir ku li Encumena Şûraya Îranê birêveçû.

Malpera Serokatiya Herêma Kurdistanê ragihand; di serdana fermî ya Tehranê de, biryare sibê înê 6ê Tebaxa 2021ê Serokê Herêma Kurdistanê Nêçîrvan Barzanî li gel Serokê Komara Îslamî ya Îranê Îbrahîm Reîsî û berpirsên bilind ên din ên Îranê bicive.

Serokê Herêma Kurdistanê Nêçîrvan Barzanî îro berî nîvro bi serokatiya şandekê gihîştibû Tehranê ku şanda Herêma Kurdistanê ji Serokê Dîwana Serokayetiya Herêma Kurdistanê, Wezîrê Ewqaf û Karubarê Olî, Wezîrê Rewşenbîrî û Lawan û Wezîrê Kar û Karubarê Civakî pêk tê.