Berpirsekî DAIŞê hat kuştin

Hewlêr (K24) – Nûçegihanê Kurdistan24ê yê li Germiyanê ragihand; kujerê Rêveberê berê yê Asayîşa Kuleco û Berpirsê Operasyonên Asayîşa Germiyanê, hat kuştin.

Rêveberê Asayîşa Kuleco Şemal Ebdurehman ji K24ê re ragihand; di operasyona hêzên Lîwaya 54 a Artêşa Iraqê de li gundê Ebûlxazî yê li rêzeçiyayên Hemrînê, terorîstê DAIŞê yê bi navê Ebdulxenî Îbrahîm Rehîm hat kuştin.

Şemal Ebdurehman diyar kir; ew çekdarê DAIŞê berpirsê kuştina Rêveberê Asayîşa Kuleco Simko Elî û Berpirsê Operasyonan ê Asayîşa Germiyanê Aso Mam Celal Misoyî û hejmarek pêşmergeyên din bû.

Rêveberê Asayîşa Kuleco herwiha eşkere kir: “Beriya niha zanyariyên me li ser wî terorîstî hebû ku serperiştiya wan êrîşan kiriye.”