Bi droneyan êrîş li firokxaneya Bexdayê hate kirin

Navenda Nûçeyan (K24) – Jêderekî ewlekariyê ya Iraqê aşkere kir, binkeyeke serbazî ya Amerîkî di nava Firokxaneya Navdewletî ya Bexdayê de rastî êrîşekê hat.

Wî jêderî ewlekariyê diyar kir, bi riya 2 droneyan êrîş li ser binkeya serbazî “Victoria” ya Amerîkî di nava Firokxaneya Navdewletî ya Bexdayê de hate kirin.

Amaje bi wê jî da, sîstema berevaniya li dijî mûşekan a li nava wê binkeyê, karî her du droneyan bixe xwarê.

Wî jêderî diyar kir jî, di wê êrîşê de ti ziyanên canî û madî nebûn.

Duhî jî bi dronên bombekirî, êrîşî li ser binkeya serbazî ya Victoria ya Amerîkayê  li Firokxaneya Navdewletî ya Bexdayê hatibû kirin.