Li Tirkiyê li ser bikaranîna maskeyan biryareke nû

Navenda Nûçeyan (K24) - Wezîrê Tendirustiyê yê Tirkiyê Fahrettin Koca ragihand: "Êdî em ne mecbûr  in li derve, li cihên vekirî maskeyan bi kar bînin."

Fahrettin Koca piştî civîna Lijneya Zanistî ya Vîrusa Koronayê daxuyanî da.

Koca derbarê bikaranîna maskeyan de ragihand: "Êdî em ne mecbûr in li derve, li cihên vekirî maske bi kar bînin.”

Herwiha eşkere kir: “Di serdema nû de êdî sepana koda HESê hat rakirin. Êdî li ti sazî û dezgehekê koda HESê neyê xwestin.”

Wezîrê Tendirustiyê yê Tirkiyê got: “Eger li cihên girtî hewadarkirin bes be û pabendî rênimaya mesafeya civakî jî hebe, maske pêwîst nake."

Fahrettin Koca herwiha got: "Em maskeyan ji jiyana xwe dernaxin, wê bi me re bin û dema pêwîst bû emê bikar bînin. Dema em bi mezinên xwe re bin an jî li cem yên bi nexweşiyên kronîk bin, em dev ji maskeyê bernadin"