Mesrûr Barzanî: Xweşhal im ku ji bo gihandina Hikûmeta Herêmê li Davosê me

Navenda Nûçeyan (K24) – Serokwezîrê Herêma Kurdistanê Mesrûr Barzanî radigihîne, ew li Davosê ye, ji bo gihandina dengê Hikûmeta Herêma Kurdistanê û pevguhartina nêrînên xwe li ser pirsên cîhanê.

Serokwezîrê Herêma Kurdistanê Mesrûr Barzanî îro Yekşemê li hejmara xwe ya tora civakî “Facebook” nivîsî: “Xweşhal im li Korbenda Aboriya Cîhanê li Davosê me, ji bo gihandina dengê Hikûmeta Herêma Kurdistanê û pevguhartina nêrînên xwe li ser pirsên cîhanê.”

Serokwezîrê Herêma Kurdistanê Mesrûr Barzanî duhî ji bo beşdariya di Korbenda Aboriya Cîhanê li Davosê de bike, gihîşt Swîsrayê.

Serokwezîr Mesrûr Barzanî di çarçoveya çalakiyên korbendê de, dê beşdarî panelekê bi navnîşana (Pêkhateyeke Nû ya Asayişê li Rojhilatê Navîn de) bibe.

Serokwezîr Mesrûr Barzanî her wiha li perawîza korbendê ku ji 22 ta 26ê Gulanê birêve diçe, dê çendîn civîn û hevdîtinên wî bi berpirsên pilebilind, xwedîkar, aborînasên herêm û cîhanê re hebin.