هه‌رێمی كوردستان له قه‌رزه‌كانی عێراق سوودمه‌ند ده‌بێت
K24 - ھەولێر
هەولێر و بەغدا هەماهەنگی دەکەن بۆ ئەوەی هەرێمی کوردستانیش سوودمەندبێت لەو قەرازانەی عێراق وەریدەگرێت.
عومەر عارەب بلباس، بەڕێوەبەری گرێبەستەكان لە وەزارەتی پلاندانان تایبەت بە كوردستان 24 رایدەگەینێت: "ھەماھەنگییەكی باش لەنێوان وەزارەتی پلاندانان و داراییدا ھەیە و توانراوە بڕێك لەو بڕە قەرزانە بۆ ھەرێمی كوردستان وەرگیرێت".
گوتیشی: "كێشەی كادیرمان ھەیە لەبواری گرێبەستە گشتییەكان، بۆیە چەند خولێك دەكەینەوە بۆ ئەوەی كادیری ئەكادیمی تایبەت بە گرێبەستەكان پێبگەیەنین كە چیدیكە پشت بە كادیری دەرەكی نەبەستین".