ئه‌مڕۆ رۆژی له‌دایكبوونی سه‌رۆك مه‌سعود بارزانییه
K24 – هه‌ولێر:
73 ساڵ بەر لە ئێستا و لە رۆژێکی وەک ئەمڕۆ، سەرۆک بارزانی لە شاری مهابادی خۆرهەڵاتی کوردستان لە ژێر ئاڵای کوردستان لەدایکبوو.
سەرۆک بارزانی هەر لە سەرەتای منداڵییەوە لە ناو خێزانێكی نیشتمانپەروەر پەروەردە بووە و هەر لەسەر ئەو بنەمایەش رێچکەی ژیانی گرتووەتە بەر.
لە ماوەی 73 ساڵەی رابردوودا، سەرۆک بارزانی رۆڵێکی کارای لە شۆڕشە یەک لە دوای یەکەکان و هەوڵە دیپلۆماتییەکان گیڕاوە لە پێناو گەیشتنی کورد بە ماف و دەستکەوته‌كانی خۆی.