بن عه‌لى يه‌ڵدرم: سوپاسى نه‌وه‌كانى سه‌لاحه‌دينى ئه‌يوبى ده‌كه‌م

K24 – هه‌ولێر:

بن عه‌لى يه‌ڵدرم، سه‌رۆك وه‌زيرانى توركيا له‌ وته‌يه‌كدا كه‌ له‌به‌رده‌م په‌رله‌مانى توركيا پێشكه‌شيكرد، سووپاسى هه‌موو ئه‌و كه‌س و لايه‌نانه‌ى كرد پشتيوانى مانه‌وه‌ى ده‌وڵه‌تيان كرد.

بن عه‌لى يه‌ڵدرم، گوتيشى: سوپاسى رۆڵه‌كانى گه‌له‌كه‌مان به‌ تورك و كورده‌وه‌ ده‌كه‌م به‌ تايبه‌تى نه‌وه‌كانى سه‌لاحه‌دينى ئه‌يوبى كه‌ رۆڵيان هه‌بوو له‌ شكستپێهێنانى كوده‌تا سه‌ربازييه‌كه‌.

روونيشيكرده‌وه‌، سه‌رجه‌م لايه‌نه‌كان به‌ به‌رهه‌ڵستكارانيشه‌وه‌ هه‌ڵوێستى نيشتيمانيانه‌يان هه‌بووه‌ و له‌و كاته‌ هه‌ستياره‌دا پشتيوانى ده‌وڵه‌ت بوون.

#كوده‌تاى_سوپاى_توركيا