هۆشیار زێباری: ئەو رۆڵەی سەرۆکی دەسەڵاتی دادوەریی عێراق دەیبینێت لە هیچ دەوڵەتێکدا نەبیندراوە
K24 – هەولێر:
هۆشیار زێباری لەبارەی ئامادەبوون و دەربڕینی هەڵوێست لە بۆنە سیاسی و حزبییەکان لەلایەن سەرۆکی دەسەڵاتی دادوەری دەڵێت: ئەوە دووپاتکردنەوەیە کە گومان لە سەربەخۆیی دادوەریماندا هەیە.
رۆژی هەینی (5ـی کانوونی دووەمی 2023) هۆشیار زێباری، ئەندامی دەستەی کارگێڕیی مەکتەبی سیاسی پارتی دیموکراتی کوردستان پەیامێکی لە تۆڕی کۆمەڵایەتی ئێکس (تویتەری پێشوو) بڵاوکردووەتەوە و نووسیویەتی: "دووبارەبوونەوە و بەردەوامی ئامادەبوونی بەرێز دادوەر فایەق زێدان، سەرۆکی ئەنجوومەنی باڵای دادوەری لە وڵات، لە بۆنە سیاسی و حزبییەکان و پێشکەشکردنی گوتار و راگەیاندنی هەڵوێست، ئەوە دووپاتکردنەوەیە کە گومان لە سەربەخۆیی دادوەریماندا هەیە".
هەروەها هۆشیار زێباری ئاماژەی بەوەشکردووە، "لە هیچ دەوڵەتێکی پاشایەتی، کۆماری و تاکڕەویدا ئەو رۆڵەی سەرۆکی دەسەڵاتی دادوەری دەیبینێت نابینرێت جگە لە عێراق، ئەمەش شتێکی نامۆیە".
تكرار و استمرار حضور السيد القاضي فائق زيدان رئيس مجلس القضاء الاعلى في البلاد المناسبات السياسية و الحزبية والقائه خطب واعلانه مواقف يؤكد على ان قضائنا مشكوك في استقلاليته . و يا ترى في اية دولة ملكية، جمهورية او شمولية يناط هكذا دور برئيس السلطة القضائية عدى عراقنا ! شئ غريب ؟
— Hoshyar Zebari (@HoshyarZebari) January 5, 2024
