ئەحمەد تورک: ئەگەر ئێستا گەلی کورد نەتوانن یەک بگرن پاشەڕۆژیان لە مەترسیدایە
هاوسەرۆکی شارەوانی مێردین ڕایدەگەیەنێت، ئەگەر گەلی کورد ئێستا ناتوانن یەک بگرن، پاشەڕۆژی کوردان لە مەترسیدایە، دەشڵێت: پێویستە لە تورکیا ئاشتیی بێتە کایەوە.
شەممە 12ـی تشرینی یەکەمی 2024، هاوسەرۆکی شارەوانی مێردین ڕایگەیاند، ئەگەر گەلی کورد ئێستا ناتوانن یەک بگرن، پاشەڕۆژی کوردان لە مەترسیدایە، دەشڵێت: پێویستە لە تورکیا ئاشتیی بێتە کایەوە.
پاش ئەوەی پارێزگاری دیاربەکر ڕایگەیاند کۆبوونەوەی دەم پارتی لە 13ـی تشرینی یەکەم قەدەغەکرا، ئەندام و لایەنگرانی دەم پارتی ڕێپێوانێک لەسەر ئەوە لە دیاربەکر ڕێک بخەن.
ئەو ڕێپێوانە کە لەنێو ڕێوشوێنێکی توندی هێزە ئەمنییەکان لە ئۆفیسی دەم پارتیەوە تاکوو سووری ئامەد ڕێکخرا، ئەحمەد تورک و سینان چیفتیورەک، ئایلا ئاکات ئاتا، سەباحەت تونجەل، پەروین بولدان و هاوسەرۆکانی شارەوانییەکان بەشدارییان تێدا کرد.
لە ڕێپێوانەکەدا، سینان چیفتیورەک ئاماژەی بە گوتەکانی سەرۆک کۆماری تورکیا رەجەب تەیب ئەردوغان و دەوڵەت باخچەلی کرد و گوتی: ئاشتەوایی لەیەک لاوە نابێت، پێویستە گوێ لە کوردانیش بگرن.
هاوسەرۆکی شارەوانی مێردین ئەحمەد تورکیش گوتی: ئەگەر لەو دۆخە ئاڵۆزەی ناوچە پێیدا تێپەڕ دەبێت کورد نەتوانێت ببێتە یەک، دوا ڕۆژی ئێمە لە مەترسیدا دەبێت و گوتی: دەبێت ئاشتییەکی سەرتاسەری بلە تورکیا بێتە کایەوە.
دەم پارتی و هاوپەیمانەکانی هەرچەند لە کۆبوونەودەکە قەدەغە کران، بەڵام داوای لە خەڵکی کرد ئامادەی کۆبوونەوەی 13ـی تشرینی یەکەم ببن.
