کونسوڵی فەرەنسا: پەیوەندییەکی پتەومان لەگەڵ هەرێمی کوردستان هەیە
کونسوڵی گشتیی فەرەنسا لە هەرێمی کوردستان ڕایگەیاند: فەرەنسا داکۆکیکارێکی سەرسەختی هەرێمی کوردستانە، هەورەها سەرکردەکانی هەرێم و فەرەنسا پەیوەندییەکی پتەویان هەیە.
سێشەممە 22ـی نیسانی 2025، یان برێم، کونسوڵی گشتیی فەرەنسا لە هەرێمی کوردستان، لەمیانەی پێشکەشکردنی گوتارێکدا ئاماژەی بەوە دا، فەرەنسا و هەرێمی کوردستان مێژوویەکی دوورودرێژ و هەماهەنگییەکی فراوانیان پێکەوە هەیە.
ئاماژەی بەوە دا، فەرەنسا یەکێکە لە داکۆکیکارە سەرسەختەکانی هەرێمی کوردستان. یان برێم دەشڵێت: لەسەر ئاستی سەرکردایەتی سیاسیش، پەیوەندییەکی پتەومان لەگەڵ هەرێمەکە هەیە.
کونسوڵی گشتیی فەرەنسا، باسی لەوەش کرد، لەسەر ئاستی ئەمنی، خوێندن و ئابووری، پەیوەندی نێوان هەرێمی کوردستان و فەرەنسا ناوازەیە، هەروەها پێکەوە کاردەکەین بۆ سەقامگیریی ناوچەکە.
