مەسرور بارزانی و ئەسعەد عیدانی جەخت لە ڕێزگرتن لە مافە دەستوورییەکانی هەرێمی کوردستان دەکەنەوە
سەرۆکی حکوومەتی هەرێمی کوردستان و پارێزگاری بەسرە، پەرەپێدانی هاوکاری و هەماهەنگی لە نێوان پارێزگاكانى هەرێمی کوردستان و پارێزگای بەسرەیان تاوتوێ کرد.
شەممە 31ـی ئایاری 2025، سەرۆکی حکوومەتی هەرێمی کوردستان، پێشوازیی لە ئەسعەد عیدانی، پارێزگاری بەسرە کرد .
لە دیدارەکەدا جەخت لە پەرەپێدانی هاوکاری و هەماهەنگی لە نێوان پارێزگاكانى هەرێمی کوردستان و پارێزگای بەسرە کرا.
هەردوولا هاوڕابوون لە سەر گرنگیی ڕێزگرتن لە سیستەمی فیدراڵی عێراق و مافە دەستوورییەکانی هەرێمی کوردستان و مافى گشت ناوچە و پێکهاتەکانی عێراق.
