Mesrûr Barzanî pîrozbahiya salvegera Partiya Sosyalîst dike
K24 – Hewlêr
Serokwezîrê Herêma Kurdistanê pîrozbahiya salvegera damezrandina Partiya Sosyalîst a Demokrat a Kurdistanê kir.
Mesrûr Barzanî, Serokwezîrê Herêma Kurdistanê bi peywendiyeke telefonî li gel Mihemed Hacî Mehmûd, Sekreterê Giştî yê Partiya Sosyalîst a Demokrat a Kurdistanê, pîrozbahiya 44emîn salvegera damezrandina Partiya Sosyalîst a Demokrat a Kurdistanê li serokatî, endam û alîgirên vê partiyê kir û pesnê rola giring a Partiya Sosyalîst di tevgera rizgarîxwaz a Kurdistanê de da.
Di peywendiya telefonî de Serokwezîrê Herêma Kurdistanê hêviya xwe anî ziman ku bi alîkariya hemû aliyên siyasî, ev rewşa giran derbas bibe û mafên destûrî yên xelkê Herêma Kurdistanê werin parastin.
Mihemed Hacî Mehmûd, Sekreterê Giştî yê Partiya Sosyalîst a Demokrat a Kurdistanê spasiya Mesrûr Barzanî kir û piştgiriya Partiya Sosyalîst a Demokrat a Kurdistanê bo Hikûmeta Herêma Kurdistanê nîşan da.
Î.A