Amerîka êrişa li ser Partiya Demokrat a Kurdistanê şermezar dike!

Amerîka êrîşa li dijî ofîsa PDK ji aliyê pêkhatên ser bi Îranê ve yên Heşda Şebî bi tundî şermezar dike.

Kurdistan24 Hewlêr 2020/10/18 07:01

kurdistan PDK KDP Ofis Baregeh Bexda Amerîka Heşda Şebî

Hewlêr (K24) - Wezareta Derve ya Amerîkayê (DYA), êrişa li ser baregeha Partiya Demokrata Kurdistanê (PDK) bi tûndî şermezar dike. Diyar dike Heşda Şebî aramiya Iraqê têk dibin û şerê dînî pêk tîne.

Alîgirên Heşda Şebî li Bexdayê Navenda PDK'yê şewitandin.

Berdevka DYA'yê Morgan Ortagus di daxuyaniyê de dibêje:

Wêne: Morgan Ortagûs Berdevka Wezareta Derve ya Amerîkayê.

"Amerîka êrîşa li dijî ofîsa Partiya Demokrata Kurdistanê ya li Bexdayê ji aliyê pêkhatên ser bi Îranê ve yên Heşda Şebî bi tundî şermezar dike.

Hêza axaftina azad û rexnegir, pêkhateyeke girîng a her demokrasiyê ye. Divê partiyên siyasî bêyî gefên milîs û çeteyan, di nava nîqaşeke xurt de bin.

Çalakiyên bêserûber ên milîsên bi alîgirê Îranê ku li derveyî hikumeta Iraqê kar dikin, aloziyên etnîkî û mezhebî derdixînin û demokrasiyê bin pê dikin. Divê hemû alî di vê serdema krîtîk de bi berpirsyarî tevbigerin."

Baregeha Liqa 5 a PDK ya li Bexdayê, ji hêla alîgirên Heşda Şebî ve hat şewitandin.

Alîgirên Heşda Şebî bi alayên xwe, êriş anîn ser Baregeha Liqa 5 a PDKê. Tevî şewitandina baregehê û bilindkirina ala milîsan li ser baregehê, Ala Kurdistanê jî şewitandin.

Nûçegihanê Kurdistan24ê yê li Bexdayê ragihand; tevî ku hêzên çalakiyên sivîl li cihê rûdanê bûn, ti rêgirî li alîgirên Heşda Şebî nekirin.

Serok Mesûd Barzanî di daxûyaniya xwe de got:

"Em bi awayekî herî tund, wê êrîşa nemerdane şermezar dikin û em li vir radigihînin ku ev cûre êrîş û destdirêjî bi ti awayî ji pêgeha Kurd û nirxên bilind ên gelê Kurdistanê kêm nake, lê bi awayekî eşkere paşketîbûn û bêferhengî û zihniyeta wê koma şerxwaz ji her kesî re nîşan dide.Em tekez dikin ku kesên bixwazin êrîşî PDKê bikin û sivikatî li nirxên gelê Kurdistanê bikin, dê baca wan kiryarên xwe bidin."

- Ji bo xwendina daxûyaniya Serok Barzanî vir bitikîne.

Serokê Hikûmeta Herêma Kurdistanê Mesrûr Barzanî jî daxûyaniyek da û got:

Wêne: Mesrûr Barzanî, Serokê Hikûmeta Herêma Kurdistanê.

"Bêrêziya li hember pîroztirîn sembola Kurdistanê û şewitandina wê û girtina ser baregeha partiyekê ku zêdetirîn qurbanî ji bo rûxandina rêjîma BEES a dîtktaro li Iraqê û bidestxistina mafên rewa yên gelê Kurdistanê daye, êrîşeke aşkere li ser buhayên demokrastî, pêkvejiyan û aştiya civakî li Iraqa federalî ye."

- Ji bo xwendina hemû daxûyaniya Serokwezîr Mesrûr Barzanî vir bitikîne.