Li Herêma Kurdistanê 27 kesên din bi Koronayê canê xwe ji dest dan

Navenda Nûçeyan (K24) – Li Herêma Kurdistanê careke din amareke bilind a pêketina bi vîrûsa Koronayê (Covid-19) hat tomarkirin. Di 24 demjimrên bûrî de 1297 kes bi Koronayê ketin û 27 pêketiyan canê xwe ji dest dan.

Wezareta Tendirustiyê ya Herêma Kurdistanê di daxuyaniya xwe de eşkere kir; di 24 demjimêrên borî de 1297 kes bi vîrûsa Koronayê ketine, ji wan 596 kes li Hewlêrê, 153 kes li Silêmaniyê, 458 kes li Duhokê, 33 kes li Helebceyê, 28 kes li Germiyanê, 19 kes li Raperînê ne.

Herwiha ragihand; 27 kesan ji ber vîrûsa koronayê canê xwe ji dest dane, ji wan 6 kes li Hewlêrê, 8 kes li Silêmaniyê, 7 kes li Duhokê û 1 kes li Helebceyê, 2 kes li Germiyan û 3 kes li Raperînê ne.

Li ser hejmara nexweşên baş bûne, hat eşkerekirin ku di 24 demjimêran de 664 kes ji vê nexweşiyê rizgar bûne.

Amarên giştî:

Pêketin: 73049

Mirin: 2388

Başbûn: 41573

Wezareta Tendirustiyê, ji bilî ku destxweşiyê li karmendên tendirustiyê û hemû tîmên bijîşkî yên li ser kar in dike, careke din ji welatiyan daxwaz dike, pabendî rênimayên tendirustiyê bibin û ji cihê qerebalix dûr bikevin û mask û lepikan bikar bînin. Herwiha gava hewce bû telefonî hejmara 122ê bikin ku xeta yekser a ji bo Covid-19ê ye.