Nêçîrvan Barzanî serdana Tehranê dike

Navenda Nûçeyan (K24) – Serokê Herêma Kurdistanê Nêçîrvan Barzanî bi armanca beşdariya di merasîma sûndxwarinê ya Îbrahîm Reîsî wek serokê nû yê Îranê de, serdana Îranê dike.

Serokatiya Herêma Kurdistanê belav kir, Serokê Herêma Kurdistanê Nêçîrvan Barzanî bi serokatiya şandekê û bi serdaneke fermî, serdana Tehranê Paytexta Komara Îslamî ya Îranê dike.

Diyar kir jî, şanda bi Serokê Herêma Kurdistanê re ji Serokê Dîwana Serokatiya Herêma Kurdistanê, Wezîrê Ewqafê û Karûbarên Olî, Wezîrê Rewşenbîrî û Lawan û Wezîrê Karûbarên Civakî pêk tê.

Îbrahîm Reîsî roja 18/6/2021 di hilbijartina serokatiya komara Îranê de, bi rêjeya ji sedî 62 a dengan wek Serokê Îranê hatibû hilbijartin û îro jî di merasîmekê de sûnda yasayî dixwe.