Mosko: Emerîkayê xîyanet ji Kurd kir

K24- Hewlêr

Gotebêjê koçka serokatî ya Rosyayê (Kiremlîn) Dîmitrî Bîskov ragehand, heke hêzên Kurdî li bakûra Suriyê xwe ne vekişandina, da xwe li pêş hêrişa supayê Tirkiyê bînin.

Got jî: Emerîka hana Kurd da şerê Supayê Tirkiyê bike.

Herweha got: Emerîkayê xîyanet li Kurd kir û bi tenê hêlan.

Xuya jî kir, heke Kurd xwe nevekişandiban, polîsên serbazîyên Rûsya û Supayê Suriya bi temamî ji deverê da xwe vekişînin û tenê hêzên  Kurdî diman bo berengarbûna hêrişên Tirkiyê.

Ev gotinên Dîmitrî Bîsov, piştî wê yekê dihêt ku Duhî jî her yek ji Viladîmêr Potin seokê Rûsya û Receb Teyîb Erdogan, serokê Tirkiyê li Sûçî civîyan bo gengeşekirina rewşa Rojava ya Kurdistanê.

Piştî çend demjimêran, Potin û Erdogan di konfiranseke rojnamevanî de ragehandin, ku herdû alî gihane rêkkevtinê. Dûv re jî Sêrgî Lavrov, wezîrê derve yê Rûsyayê, naveroka rêkkevtinê bi rûsî û Meslûd Çawîşoglu , wezîrê derve yê Tirkiyê naveroka rêkkevtinê bi Tirkî vexwîndin.