Îran: Hêvîdar in Ewrûpa pabendî Rêkeftina Atomî be

K24 – Navenda Nûçeyan

Serokomarê Îranê radighîne , pabendbûna Yekîtiya Ewrûpayê bi rêkeftina atomî bo asayîş û aramiya navçeyê giring e.

Ruhanî di civîna ligel Wezîrê derve yê Almanyayê Hayko Mas de ragihand, vekşandina Amerîka ji rêkeftina atomî bandorek xerab liser pêwendiyên welatan û asayîşa navçeyê çêkiriye

Ruhanî ragehandiye, ku gelek giring e welatên Ewrûpa bi sozên xwe hember rêkeftina atomî pabend in, û rêkeftin dibe sedemê asayîkirina pêwendiyên Îranê ligel Ewrûpa û bicîhanîna asayîş û aramiyê li navçeyê.

Serokomarê Îranê herweha red kir, ku welatê wî hewl bide çekê atomî bidest bixe.

Ji aliyê xwe ve Wezîrê derve yê Almanyayê ragihand, ku welatê wî û Yekîtiya Ewrûpa hewl didin, rêyek guncayî bibînin, bi armanca kêmkirina aloziyan li navçeyê.

C.B