ژنێکی رەشپێستی بە رەگەز هیندی دەبێتە جێگری بایدن
K24 - مینیسۆتا، ئەمەریکا
کاندیدی دیموکراتەکان بۆ سەرۆکایەتیی ئەمەریکا، ژنێکی رەشپێستی بەڕەگەز هیندیی وەکو جێگری خۆی دەستنیشانکرد.
جۆو بایدن، کاندیدی دیموکراتەکان بۆ سەرۆکایەتیی ئەمەریکا، دوێنێ (11-8-2020) كامالا هێرس، ئهندامی ئهنجوومهنی پیرانی به جێگری خۆی دهستنیشانكرد بۆ ههڵبژاردنی 2020.
کامالا یهكێك بوو له ركابهره سهرسهختهكانی بایدن له ههڵبژاردنی پێشوهختەی دیموكراتهكان، بەڵام دوای ئهوهی بایدن وهكو پاڵێوراوی دیموكراتهكان بۆ سەرۆکایەتی ئەمەریکا سەرکەوت، کامالا هێرس بووە پشتیوان و پاڵپشتی بههێزی.
له دوای مانگی ئایار و كوشتنی جۆرج فلۆید-ی رهشپێست له ویلایهتی مینیسۆتا، کامالا وهكو یهكێك له داكۆكیكاره بههێزهكان لەدژی رهگهزپهرستی دهركهوتووه.
کامالا هێرسی تەمەن 55 ساڵ، سیناتۆری ویلایهتی كالیفۆرنیا، بووە یهكهمین ژنی رهشپیست و یهكهمین كهسی به رهگهز هیندی کە لهلایهن دیموكراتهكانهوه دیاریدهكرێت بۆ پۆستێكی باڵا له سهرۆكایهتیدا.
له پێشبڕكێی ههڵمهتی یهكلاكهرهوهی كاندیدی دیموكراتهكان، شێوازی کارکردنی هێرس "زۆر كاریگهرتر بوو له بایدن"، بەڵام بهپێی راپۆرتێكی زه نیویۆرك تایمز "بههۆی گرژیی سیاسی و ئاڵۆزیی دۆخی ناوخۆی دیموكراتهكان، هەلی بردنەوە له دهست هێرس دهرچوو".
نیوهڕۆی 11ـی ئاب، بایدن له رێگهی پهیامێكی دهنگییەوە له تۆڕه كۆمهڵایهتییهكان و له رێگهی پهیامێكی ئهلیكترۆنی نووسراودا بۆ لایەنگرانی دیموكراتهكان، گوتی "جۆو بایدن لێرهیه. ههواڵێكی مهزن: كامالا هێرسم ههڵبژارد وەکو جێگرم و بەیەکەوە له ترهمپ دهبهینهوه".
چاوهڕواندهكرێت ئەمڕۆ بایدن و هێرس پێكهوه له شاری ویلمنگتاون لە ویلایهتی دیلهوهری ئەمەریکا ببینرێن بۆ بانگەشە لە ههڵمهتی ههڵبژاردن.
بهشێكی زۆری دیموكراتهكان پێیانوایه؛ هێرس لە ئاییندەدا دەبێتە یهكێك له پاڵێوراوهكان بۆ كۆشكی سپی و به دڵنیاییەوە جارێكی دیكهی لە هەڵبژاردنی سەرۆکایەتیی ئەمەریکا خۆی دهپاڵێوێتهوه.
میدیاکانی ئەمەریکا باس لەوە دەکەن؛ یەکێک لە سیفەتەکانی هێرس نهرمونیانییه، كه ئهمه پێچهوانهی بایدنه، بۆیه دهبێته پاڵپشتیكارێكی باشی بایدن بۆ ههڵمهتهكەی لهم چهند مانگهی لهبهردهمیاندا ماوە.
بهپێی دیموكراتهكان بهشێكی زۆری دهنگدهرانی رهشپێست و ژنان، دهنگهكانیان بۆ بایدن دهبێت بههۆی هێرسهوه.
هێرس له باوكێكی جامایكی و دایكێكی هیندی له ئهمهریكا لەدایکبووە. له ئۆكلاند و برێكلی كالیفۆرنیا گهوره بووه و له زانكۆی هاواردی واشنتن خوێندوویهتی، زیاتر كاری له بواری دادپهروهری له تاواندا كردووه و ئێستاش ئهندامی ئهنجوومهنی پیرانه، به سەرکەوتنی بایدن لە ههڵبژاردنی سەرۆکایەتیی ئەمەریکا، دەبێته جێگری سهرۆكی ئهمهریكا.
هـ.ر.