نازحو مخيم بزيبز يناشدون: أوضاع مأساوية تحت المطر وغياب الحلول الحكومية

أربيل (كوردستان 24)- تشهد أوضاع النازحين في مخيم بزيبز بمحافظة الأنبار تدهورًا كبيرًا مع استمرار الأمطار الغزيرة، حيث تحولت المخيمات إلى برك من المياه، وسط غياب أي حلول جذرية من الجهات المعنية.

النازح أبو تحسين عبّر عن معاناته قائلًا لكوردستان24:

"هاي الأجواء الممطرة صارلها 3 أيام على نازحين مخيمات بزيبز، ونطالب لو يسوون كرفانات أو مجمعات للنازحين أو يستبدلون الخيم اللي صارلها 11 سنة ما تصلح للعيش. والله تعبنا، نريد حل.. أي دور للحكومة أو أي دور لوزارة الهجرة ماكو."

من جانبه، تحدث محمد جمال عن حجم المعاناة داخل المخيم، واضاف لكوردستان24: 

"وضعنا كلش تعبان ويرثى له، وانت شوف بعينك شلون تحول المخيم إلى بحيرات، وبالخيمة ما عدنا لا فراش، لا غذائية، لا ملابس، كلشي ما عدنا. أطفالنا البارحة ناموا بالمطر لأن الخيم تعبانة."

أما سهام محمد فوصفت واقع الحياة في المخيم بأنه لا يطاق:

"حالتنا كلش تعبت، لأن بالصيف يقتلنا الحر وبالشتاء يقتلنا المطر، وبكل الأحوال عايشين بالظلم. يعني وزارة الهجرة ما تكدر توفر كرفانات ولا بيوت واطئة التكلفة؟ خلي الوزارة تسمعني وأريدها تجي تشوف وضعي، لأن إحنا نتكلم بصراحة وما كدرت توفر لنا الوزارة أي شيء."

تزداد مطالبات النازحين بضرورة إيجاد حلول عاجلة تضع حدًا لمعاناتهم المستمرة منذ أكثر من عقد، في وقت تشهد فيه المنطقة ظروفًا جوية قاسية تزيد من صعوبة الحياة داخل الخيام المهترئة.

أحمد ناجي مراسل كوردستان24 – الأنبار