عەبدوڵلا جەعفەر کۆڤلی
نووسەر
گوتارێن مەسرور بارزانی، خاندن و رەهەند!
هەر کەسێ دیفچون وخاندنێ بو گوتارێن سەرکردە وبەرپرسێن سیاسی د دەمێ بانگەشا هەلبژارتنادا بو گەرا شەشێ یا پەرلەمانێ کوردستانێ بکەت ژ ئاستێ بلند بو ئاستێ خارێ دێ گەهیتە باوەریەکا دروست کو ئەف گوتارە ب هەمی پەیڤ ورستە ودەربرینێن خوڤە دەربرینێ ژ باگراوەندێ گوتار بێژی دکەت وچەند پێزانین هەنە دبوارێن جورا جور دا وچەند گرێدای ئێش وئازارێن مللەتێ خویە وچ هیڤی وئومێد هەنە بو پاشەروژێ وچەند شارەزایە دکەتوارێ جڤاکی دا وچ دیتن هەیە بو کێشە ورویدان وئالوزیێن نافخو وهەرێمایەتی ونیف دەولەتی، ب کورتی راستیا گوتار بێژی دیار دبیت بێ جوانکرن، و ل ئەڤی دەمی رولێ هاوولاتی( دەنگدەری) دیار دبیت بو هەلسەنگاندنا ئەڤان گوتار بێژا ودەست نیشان کرنا یێ باش وگونجای ودەنگێ خو بدەتە لستا وی ب بشت بەستن لسەر پلەیا کارتیکرنا باشیا گوتارێ لسەر وی ورازی بونا هاولاتی ژ گوتارێ.
رێزدار( مسرور بارزانی) وەک جێگرێ سەروکێ پارتیمان (پارتی دیموکراتی کوردستان) ودچارچوڤێ بانگەشا هەلبژارتنێن پەرلەمانێ کوردستانێ دا دگەل ژمارەکا زور ژ تەخ وچینێن چڤاکی کومبویە ویێ بەردەوامە وروناهیێ دئێخیتە سەر ژمارەکا تەوەرا کو دشیان دایە خاندنەکا زانستی وئەکادیمی بو بێتە کرن وبێنە شلوڤەکرن، دیارترین تەوەر ئەڤەنە:
- پێداچونەکا دیروکی بو دامەزراندنا پارتی دیموکراتی کوردستان وەک پێتڤیەکا مێژوی دقوناغەکا گرنگ وهەستیار دا ب سەروکاتیا بارزانیێ نەمر بو سەرکێشیا بزاڤا رزگارخوازا کوردستانێ، وئاماژە دان ب کاروانێ خەباتا پتر ژ(٧٠)سالێن پری خزمەت وقوربانی وسەرکەفتن ودەسکەفت وهەلویستا بەرامبەر بابەتێن نشتیمانی وهەرێمایەتی ونە دەست بەردانێ ژ مافێن خەلکێ کوردستانێ وخەبات کرن بو بەرژەوەندا گشتی دویر ژ بەرژەوەندێن تاکە کەسی یێن بەرتەنگ وچ جارا ئامادەنینە دانپێدانێ ب داگیر کرنا بوهوستەکا ئاخا کوردستانێ بکەت تایبەت کەرکوکا دلێ کوردستانێ، هەروەسا ئاماژێ دەتە بەرنامێ پارتی بو پاشەروژێ وداهاتی.
- ئاماژێ دەتە بەرنامێ پارتیمان بو بانگەشا هەلبژارتنا بو پاراستنا قەوارێ هەرێما کوردستانێ وئامادەبونا بەردەوام بو بەرگریێ ژ قەوارێ هەرێمێ وبەرسینگرتنا هەمی ئالنگاریێن سیاسی وهەمی گەفێن هەولدەن ئێمناهیا هەرێمێ ئالوز بکەن.
- خاندنەکا هویر وگرێدایە بو درویشمێ پارتیمان ل ئەڤان هەلبژارتنا ( ئارامی وئاڤەدانی پێکڤەی و خوراگری) راستە دبیت پەیڤێن ئاسان وسادە بن بەلێ هەر پەیڤەکێ رامانەکا مەزن هەیە، ژبەرکو ئێمناهی بنیاتێ ژیانێ یە وداخازەکا سەرەکیە بو مروڤی هەر ژ دەست پێکا هەبونێ تا ئەڤرو ول ئایندەی دا، ژبەرکو ژدەست دانا ئێمناهیێ ئانکو ژدەست دانا ژیانێ وباوەریێ ومافا، ئێمناهی بنیاتێ ئاڤەدانیێ یە وئاڤەدانیا هەرێمێ جهێ گرنگی دانا پارتیمانە کو ئەڤروکە بویە ئێک ژ دەڤەرێن جوان وپێشکەفتی، پەیڤا سیێ( پێکڤەی) ئەوا پارتی شانازیێ پێ دکەت ژبەرکو بەرگریکارەکێ ئێکانە ودلسوزە ژ مافێن هەمی پێکهاتێن چڤاکێ کوردستانێ ب هەمی رەنگ وبوچون ودیتنا بێ جێوازی وچەندین نمونێن زیندی هەنە، وهەرێما کوردستانێ بویە تابلویەکێ رەنگا ورەنگ وجهێ ئاکنجی بونا کەسێن توشی گەف ومەترسیا ومەرگەساتا دبن، ل دوماهیێ خوراگری، گومان تێدا نینە کو دوژمنێن کوردستانێ بەردەوام هەولدایە مروڤێن وێ بێ حەز بن وخوراگر نەبن ویێ بێ زار بیت وشیانێت داخازکرنا مافێن خو نەبیت وئالایێ سپی بو دوژمنی هەلدەت وەک ئاماژەک بو دانە دەست بونێ ولدیف حەز وپلانێت ئەوان کاربکەت.
پارتیمان گرنگی وپێتڤیا خوراگریێ باش دزانیت بو بەردەوامیا ژیانێ، وهەولدانا نەحەز ودوژمنا بو کونترولکرنا خوراگریا مروڤێ کوردستانی جهێ سەر راوەستیانێ یە ژبەرکو خوراگریە شیانێت هەلگرتنا بەرپرساتیێ دەتە مروڤی، پارتی پشت بەستنێ لسەر خوراگریا هاوولاتیا وهێزا پێشمەرگەی دکەت دکاروانێ خەباتێ دا، هەروەسا مروڤ کریە تەوەرێ سیاسەت وبەرنامێ خو وهەمی دەما رادگەهینن کو پێتڤی هێزا خەلکی نە.
- دروست کرنا باوەریێ بخوبونێ وچاندنا هیڤی وئومێدا بو مروڤێ کوردستانی، ژبەر باوەریا پارتی کو بێ هیڤی بون دژیانێ دا نینە وژیان د بێ هیڤی بونێ دا نینە وپارتی هەلگرا هزر وبەرنامە وهیڤیێت گەشە بو هەرێمێ ودەڤەرێ.
- داکوکی کرن ل ئێک رێزیا نشتیمانی وکوردستان ئێک پارچەیە، دگەل رێزگرتنا هەمی بیر وبوچونێت جێواز، وهێزا هەرێمێ دئێککرێزیێ دایە، وپارتیمان دەستێ خو درێژ دکەت بو هەر خەباتکەرەکی بو بەرژەوەندا گشتی کاربکەت وئامادەیە هاریکار وهەفکار بیت.
گومان تێدا نینە هەر جاڤدێرەکێ چاڤدێریا گوتارێن ( مسرور بارزانی) بکەت دێ گەهیتە ئەوێ باوەری وراستیێ کو گوتارێن سیاسی یێن رێکخستی وهویر وگشتی وسەرخو وئارمانجدەر ودەربرینێ ژ کەتوارێ ئەم تێدا دژین دکەن، گوتارێن دویرن ژ توند وتیژیێ وبریندار کرنا هەستێن چ کەس ولایەنا وگەهاندنا ئێش وئازارا، بەلکو گوتارن بو دیارکرنا دیتن وبوجونا وبەرچاڤ کرنا ئەو خزمەتا هاتیە پێشکێش کرن بو هاولاتیا دەمێ شیرەتکارێ ئەنجومەنێ ئاسایشا هەرێما کوردستانێ یان سەروکێ ئەنجومەنێ وەزیران.
( مسرور بارزانی) سەرکردەیەکێ کوردستانیێ استراتجیە بهەمی ئاماژەیێن خوڤە، زور ب زەحمەتە براوردیا وی بێتە کرن دگەل سەرکردەیێن دی ئەوێن دگورەپانێ دا کو بلەز ژ چارچوڤێ یاسای وپروتوکولی دەردکەڤن.
ئەڤا لسەری هاتیە دیارکرن پالدەرێن ب هێزن بو مە هەمیا دەنگێ خو بدەینە لیستا (١٩٠) لیستا پارتیمان ولیستا شەهید وپێشمەرگەی وکار بکەین بو سەرکەفتنا ئەڤێ لیستێ.
هیڤی وئومێدێن گەش مەهەنە سەرکەفتن بو ئەڤێ لیستێ یە سەرەرای هەمی پیلان وپیلان گیریا.