ئەم دیاریدەیە وەک سەدان دیاردەی دیکەی سیاسی لە هەرێمی کوردستاندا ناشرینە

شاندێک دەچێتە لای محەممەد شیاع سوودانی، سەرۆک وەزیرانی عێراق، دێتە دەرەوە لە کۆنگرەیەکی ڕۆژنامەوانیدا دەڵێت: سوودانی گووتی، نیگەران بوو، سوودانی پێی وایە و ڕەخنەی هەیە و هتد...

هاوڕێیان، خۆ سوودانی، سیستانی نییە و تەمەنی 94 ساڵ بێت و بڕوای بە کۆنگرەی ڕۆژنامەوانی نەبێت، ئەو کەسێک نییە توانای قسەکردن و سەردانکردن و بەیاننامەنوسینی نەبێت، ئەو خۆی دەتوانێت ئەگەر شتێکی هەیە بە دەنگی بەرز بیڵێت و بە زمانی کوردیش وەرگێڕانی بۆ بکرێت.

تۆ کە سەردانی سوودانی دەکەیت دەبێت فشاری لێ بکەی، ئەسڵەن نەک سەردان بەڵکو بە جموجۆڵی سیاسی، پەرلەمانی و جەماوەری فشاری لێ بکە. نەک لە دانیشتنی داخراودا کە ئێمە دڵنیانین چی دەڵێن.

ئێمە ڕای سوودانیمان ناوێت، چونکە مەعلومە و ئێمە کرداری سوودانی دەبینین کە ڕاگرتنی مووچەکەیە.

پاشان سوودانی ئەگەر ڕاستگۆیە با خۆی بە ئاشکرا لەکۆنگرەیەکی ڕۆژنامەوانیدا و بە سەبتایتڵی کوردی و ئینگلیزیەوە دەستی تۆمەت بۆ بارزانی و تاڵەبانی ئاشکرا بکات و ڕاستییەکان بە دەمی خۆی بە ئێمە بڵێت.

ئەم وەرگێڕانە شێخ لوقمانیەیی شاندی کوردی با بەس بێت.