بۆچی بە سەرۆک مەسعود بارزانی دەڵێن مەرجەع

رووداوەکانی ئەم ماوەیەی رابردوو لە کۆتایی ساڵی ٢٠٢٥ لەکاتی سەردانی سەرۆک بارزانی بۆ شەرناخ لە باکوری کوردستان، لە دوای رووداوە تاڵ و ناخ هەژێنەکانی و پەلاماردانەکەی هەردوو گەرەکی کوردنشین لە حەلەب، جارێکی تر بە هەڵوێستە نیشتمانی و نەتەوەییەکانی بۆ هەموو دونیای سەلماندەوە بە تورک و فارس و عەرەب، بە وڵاتێکی زلهێزی وەک ئەمریکاش کە سەرۆک بارزانی ئەو مەرجەعە باڵایەی گەلی کوردستانە کە مەزهەب و نەتەوە و ئاینزاکان و سیاسییەکان بە دۆست و نەیارانیشەوە باش تێگەیشتن کە بریارە چارەنوسسازەکان بێ سەری بڵند تێناپەرن .

هەر بریارێکی سیاسی بێ ڕەزامەندی بارزانی تێپەر ببێت بەردەوام نابێ و توشی شکست دەبێ.

پەیامی ئەمڕۆی سەرۆک بارزانی بۆ پشتگیری هاووڵاتیانی عەرەبی سوری کە لە هەرێمی کوردستان نیشەجێن و ژیان و گوزەرانیان لە هەرێمە ئەو پشتیوانی و بە هانەوە چونەی سەرۆک مەسعود بارزانی بۆیان لەپێناو پاراستنی پێکەوە ژیان و دروستنەبوونی کێشەی نەتەوەیی کوردو عەرەبە، زوڵم و ستەمی سیاسییەکان نابێت هاونیشتمانی سڤیل باجی بدات ئەوە لەگەڵ رەسەنایەتی کورد ناگونجێ و هەرێمی کوردستان هەمیشە پەناگەیەکی ئارام بووە بۆ هەموو نەتەوەو پێکهاتەیەک و هەرواشدەبێ و بۆتە شوناسی پێکەوە ژیان لە ناوچەکە. 

هەمیشە سەرۆک بارزانی پێداگیری لە پێکەوە ژیان دەکاتەوە ئەو غەدرو ستەمەی لەگەلی کورد دەکرێت سیاسیە زاڵم و بێ وەفاکانن و کاری حیزبی و خەڵکی نا مۆراڵن بەڵام مانای کێشەی نەتەوەیی نییە.

ئەم هەڵوێستە بەردەوامانەی سەرۆک بارزانی کە زۆر جوامێرانەو کوردانە و موسڵمانانەیە وای کردووە رۆژ بە رۆژ مەزنترو مەقامی باڵاتر بێ لە بەرچاوی هەموو دونیا 

مەسعود بارزانی مەرجەع و ڕابەر و سەرکردەیەکی نەتەوەیی گەورەی کوردە

بە شانازییەوە وەک سیمبولی هەتا هەتایی کورد دەمێنێتەوە .