لە سایکیس- بیکۆ بۆ شەیبانی-لایتەر- بەڕاك

کۆبونەوەی پاریس کە لە رۆژانی  5 و 6 مانگی یەکی ئەمساڵ 2026، لە پاریس کرا، ئەمانەی خوارەوە لە دانیشتەنەکان بەشداربوون: 

شاندی سووریا 

ئەسعەد حەسەن ئەلشیبانی – وەزیری دەرەوە و کۆچبەرانی سووریا (سەرۆکی شاندی سووریا).

حوسێن ئەلسەلامە – سەرۆکی بەڕێوەبەرایەتی هەواڵگری گشتی (بەرپرسی باڵای ئەمنیی سووریا).

شاندی ئیسرائیل 

یێخیێل لایتەر – باڵیۆزی ئیسرائیل لە ویلایەتە یەکگرتووەکانی ئەمریکا و سەرۆکی شاندی ئیسرائیل لەم خولەی دانوستانەکاندا.

مەیجر جەنەڕاڵ رۆمان گۆفمان – راوێژکاری باڵای سەربازی سەرۆکوەزیرانی ئیسرائیل و کاندیدی فەرمی بۆ سەرکردایەتی داهاتووی هەواڵگری.

گیل ریچ – سەرپەرشتیاری راوێژکاری ئاسایشی نەتەوەیی ئیسرائیل.

ئەمریکا 

تۆم بەڕاک – نێردەی تایبەتی ئەمریکا بۆ کاروباری سووریا

ستیڤ ویتکۆف – نێردەی تایبەتی ئەمریکا بۆ رۆژهەڵاتی ناوەڕاست، ئەندامی شاندی ویلایەتە یەکگرتووەکان .

جارێد کوشنەر –  زاوای ترەمپ (هاوسەری ئیڤانیای کچی دۆنالد ترەمپ) ، دیپلۆماتکاریی ئەمریکی و نێردەی باڵای ئەمریکا و ئەندامی شاندی ویلایەتە یەکگرتووەکان .

لێکەوەتەی بڕیارەکانی ئەم کۆبوونەوەیە:  

· سەلامەتی و خاك بۆ ئیسرائیل.  سووریا هاوشیوەی ئوردن پەیوەندی ئاسایی دەبێت لەگەڵ ئیسرائیل. باڵیۆزخانەی ئیسرائیل لە سووریا دەکرێتەوە و بەپێچەوانەکەشی.  سووریا هاوشێوەی میسر و ئوردن دان بە سەربەخۆیی ئیسرائیل دا دەنێت. 

· جۆلان و ئەو ناوچانانەی لە ساڵانی رابردوو لە لایەن ئیسرائیل دەستیبەسەردا گیرا بوو ناگەڕێنەوە بۆ سووریا و لێك تێگەیشن لەنیوان هەردوولا سەبارەت بەچۆنیەتی ئیدارەکردنی ئەو ناوچانە واژۆ دەکرێت. 

· هاوکاریی هەواڵگری لە نیوان هەردوو لادا بەردەوام دەبێت. 

لەبەرانبەردا، ئەمریکا پشتیوانی لە یەکپارچەیی خاکی سووریا دەکات.

ئەمەش بەکردار مانای : 

· ئازادکردنی داعشەکان لە زیندانەکانی هەسەدە.

· گەڕانەوەی ناوچەکانی ژێر دەستی هەسەدە بۆ دەسەڵاتی ئەحمەد شەرع. 

· دەستواڵاکردنی سوپای سووریا بە پشتیوانیی تورکیا بۆ ئەوەی هەر چۆنیان پێباشە رەفتار لەگەڵ کوردا بکات. 

ئەگەر کورد لە چەند رۆژی داهاتوو شتێك نەکات، واتە ناڕەزایەتی سەرتاسەری لە ناوخۆی کوردستان و هەموو دونیا رانەگەینێ،  بڕیاری کۆبوونەوەی شەیبانی – لایتەر - باراك  ئەمەش هەر لە فەرەنساوە هاوشێوەی بڕیارەکانی کۆبوونەوەی  سایکس - بێکۆ ی ساڵی 1916 چارەنووسی کورد بێویستی خۆی رەنگە بۆ چەند دەیەی دیکە دیاری بکات. 

ئەم رۆژانە رۆژانی مێژووین دەبێت هەموو کورد یەك دەنگ و یەكڕیز بێت بۆ بەرگری لە مافەکانی خۆی.