زاخۆ د ناڤبەرا ڕەسەنایەتی و مۆدێرنێتێ دا

ب شانازیەکا مەزن ڤە، ل دەلالێ باژێرێ دێرین و خودان مێژوو، پێشوازی ل چوارەمین ڤیستەڤالا کولتوری یا (شەلو شاپک و جلوبەرگێن کوردی) هاتە کرن. ئەڤ ڤیستەڤالە نە بتنێ بیرئینانەکا جلوبەرگێن کوردی یە، بەلکو ساخکرنا ناسنامە، هێما و شکۆیا نەتەوەییا مەیە.

مەزنترین ڕوومەت و بهایێ بلند یێ ڤێ فیستیڤالێ، ئامادەبوونا جەنابێ سەرۆک بارزانی بوو. ئامادەبوونا جەنابێ سەرۆکی مەزنترین هێزا گەشبینی و پشتەڤانیێ بوو؛ پەیامەک بوو کو سەرکردایەتیا کوردایەتیێ هەمی دەمان پارێزەرا سەرەکی یا فەرهەنگ، ڕەسەنایەتی و مێژووا گەلێ خوەیە. ئەڤ جورە گرنگیدانە نیشانا هندێ یە کو ئەڤ جلوبەرگە سیمبۆلەکا بەرهنگاریێ یە د مێژوویا مەدا ل هەمبەری دۆژمنێن مە.

باژێرێ زاخۆ ئەڤرۆ ب سیمایەکێ نوی و مۆدێرن دەرکەفت. ئەم نەشێن ڤێ پێشکەفتنێ ببینین بێی کو ڕۆلێ کاریگەر یێ کابینەیا نەهێ یا حکومەتا هەرێما کوردستانێ ب سەرۆکایەتیا جەنابێ (مەسرور بارزانی) بلند نەنرخینین. ب سایەیا ڕاگەهاندنا ئیدارا سەربەخۆ یا زاخۆ و ستراتیژیەتا کابینەیا نەهێ، زاخۆ د هەمی سکتەران دا ژ لایێ ئاڤەدانی، گەشتوگوزار، ڕێک و پرۆژەیێن خزمەتگوزاری ڤە وەرچەرخانەکا مەزن ب خۆ ڤە دیتیە و بوویە نموونەیا پێشکەفتن و ژیانێ.

د دیمەنەکێ جوان و بالکێش دا، ئەڤ چەند ڕۆژەکە زاخۆ بوویە حەزا دیتنا هزاران هاولاتیان ژ هەر چار پارچێن کوردستانێ و گەشتیارێن دەرڤە. ئەڤ هێزا ڕاکێشانێ نیشان ددەت کو زاخۆ بوویە ناڤەندەکا گرنگ یا گەشتوگوزاری و کەلتوری و جهێ سەرنجا هەمی گەشتیاران ب گشتی.

د ڤی دەرفەتێ دا، دڵسۆزانەترین سوپاس و دەستخۆشیێن بێ پایان ئاراستەی جەنابێ سەرپەرشتێ ئیدارا سەربەخۆ یا زاخۆ ڕێزدار (گوهدار شێخۆ) و هەمی ستافێ دڵسۆز و هێژا یێ سەرپەرشتیا فیستیڤالێ دکەم. بێ ڕاوەستان و شەڤنەخۆنیا هەوە بوو کو هەوە شیا کولتور و باژێرێ زاخۆ ب جوانترین شێواز نیشان بدەن.

هەر سەرکەفتی بن، و فەرهەنگ و ڕەسەناتیا مە هەمی دەمان یا ئاڤا و گەشتر بت.