وەکوو هاوسۆزییەک.. لایەنگرانی ترەمپ چەسپی سپی بە گوێی ڕاستیانەوە دەلکێنن

ئێوارەی ڕۆژی چوارشەممە، 17-07-2024، دۆناڵد ترەمپ، سەرۆکی پێشووی ئەمەریکا و کاندیدای کۆمارییەکان بۆ هەڵبژاردنی سەرۆکایەتیی وڵاتەکە، لە سێیەم ڕۆژی کۆنفرانسی نیشتمانیی کۆمارییەکان لە ویلایەتی ویسکۆنسێن، گوتارێکی پێشکەشکی لایەنگرانی و ئامادەبوونی کۆنفرانسەکە کرد.

ئەوەی لە کۆنفرانسەکە سەرنجی مێدیاکانی بەلای خۆیدا ڕاکێشا، زۆرینەی لایەنگرانی ترەمپ کە لە شوێنی کۆنفرانسەکە ئامادە بوون؛ چەسپێکی سپییان بە گوێی ڕاستییاندا لکاندبوو، ئەمەش وەکو هاوسۆزییەک بۆ کاندیداکەیان بۆ هەڵبژاردنی داهاتوویی سەرۆکایەتیی ئەمەریکا.

شەممە، 13ی تەممووز 2024، نزیک کاتژمێر7:00ـی ئێوارە بە کاتی پێنسلڤانیا، لە شاری بەتڵەری ویلایەتی پێنسلڤانیا؛ تەقە لە دۆناڵد ترەمپ کرا، لە کاتێكدا  کە خەریکی بانگەشەی هەڵبژاردن و سەرقاڵی قسەکردن بوو بۆ هەوادارانی و لە ئەنجامدا گوێی ڕاستی بریندار بوو.