بە وێنە؛ ئاهەنگی گەورەی جەماوەریی پارتی لە دهۆک
ئەمڕۆ شەممە، 12ـی تشرینی یەکەمی 2024، بە ئامادەبوونی هەردوو جێگرانی سەرۆکی پارتی دیموکراتی کوردستان، نێچیرڤان بارزانی و مەسرور بارزانی، ئاهەنگێکی گەورەی جەماوەری لە نێو یاریگای دهۆک بەڕێوەچوو.
نێچیرڤان بارزانی، جێگری سەرۆکی پارتی دیموکراتی کوردستان لە گوتارێکدا سڵاوی سەرۆک بارزانی گەیاندە خەڵکی بادینان، گوتی: ڕۆژی 20ـی مانگ رۆژی دەنگدانە، ئەمڕۆ لەگەڵ برای خۆم مەسرور بارزانی و سەرکردایەتی پارتی هەموو پێکەوە لەگەڵ خەڵکی خۆڕاگری بادینانین، پەیمانی سۆز و پەیمانی ڕێبازی بارزانی و کوردایەتی و شەهیدان و ئازادی، نوێ دەکەینەوە و سەرکەوتنێکی دیکەی گەورە بۆ بادینان تۆمار دەکەین.
لای خۆیەوە مه‌سرور بارزانی، جێگری سه‌رۆكی پارتی دیموكراتی كوردستان، ڕایگەیاند، پارتی تاكه لایه‌نی سیاسییه باسی پاشه‌ڕۆژ و ئایینده‌ی خه‌ڵكی كوردستان ده‌دات و چه‌ند ڕۆژێكی كه‌میش ماوه بۆ ئه‌وه‌ی هاووڵاتییانی كوردستان بڕۆنه سه‌ر سندووقه‌كانی ده‌نگدان و بڕیار له داهاتوو و چاره‌نووسی خۆیان بدات.
