شەڕ پڕۆسەی خوێندنی لە کەرتی غەززە نەوەستاندووە
هەرچەندە زیاتر لە دوو ساڵ بەسەر شەڕی نێوان بزووتنەوەی حەماسی فەڵەستینی و ئیسرائیل لە کەرتی غەززە بەردەوامە و زیاتر لە 90%ـی کەرتەکە وێران بووە، بەڵام پڕۆسەی پەروەردە و فێرکردنی منداڵان نەوەستاوە. مامۆستایان لە بارودۆخێکی سەختدا ڕۆژانە چەند کاتژمێرێک، لە نێو چەند باڵەخانەیەکی بۆمبارانکراودا کە دەکرێت لە هەر ساتێکدا بڕوخێن، وانە بە قوتابییان دەڵێنەوە.
