باكووری كوردستانێ.. رێپیڤان و ئالزی د سالڤه‌گه‌را گرتنا ئۆجه‌لان ده
شه‌ڕو پیكدادان دناڤبه‌را رێپیڤانان و هیزین ئه‌منی یێن توركی په‌یدا بوو
K24ـ جۆله‌میرگ:
شه‌ڕو پیكدادان دناڤبه‌را رێپیڤانان و هیزین ئه‌منی یێن توركی په‌یدا بوو
ل ده‌ڤه‌را گه‌ڤه‌را جوله‌مێرگێ و ب به‌شداربوونا په‌رله‌مانتارێن هه‌ده‌پێ، عه‌بدولا زه‌یدان و نیهات ئاكدۆگانی، 17 ـه‌مین سالڤه‌گه‌را گرتنا ئۆجه‌لان ب ساز كرنا رێپیڤانه‌كێ هات كرن.
رێپیڤان ل جاده‌یا گرتیخانا گه‌ڤن یا گه‌ڤه‌رێ ده‌ست پێكرن و به‌ره‌ف ناڤه‌دا ده‌ڤه‌رێ برێكه‌فتن، رێپیڤانان د دروشمێن خوه‌دا داخازا ئازادیێ بو ئۆجه‌لان كرن.
پولیس و هیزێن ئه‌منی یێن توركی رێ ل رێپیڤانان گرتن و داخازا به‌لاڤبوونێ ژی كرن، لێ خوه‌پێشانده‌ر ل سه‌ر چالاكیا خوه به‌رده وام بوون.
هێزێن ئه‌منی ژی ب گازا روندكڕێژ و ئاڤا شدیای هێرش كرنه سه‌ر رێپیڤانان و ئه‌وان ژی به‌رسڤا هێزێن ئه‌منی دان و شه‌ڕ و ئالزی په‌یدا بوون.
عه‌بدولا ئۆجه‌لان، سه‌رۆكێ پارتیا كریكارین كوردستانێ په‌كه‌كه، ل 15ێ شوبات/ فبرایر 1999 ل كینیایێ هاته ده‌سته‌سه‌ر كرن و به‌ره‌ف توركیا هات ڤه‌گۆهاستن و هه‌یا نها ل گرتیخانه‌یا ئیمرالی به‌ند كریه.
پارتیا كاركه‌رێن كوردستانێ په‌كه‌كه ل سالا 1978 هاتیه دامه‌زراندن و خه‌باتا چه‌كداری هه‌لبژاردتیه ل باكووری كوردستانێ دژی حكوومه‌تا توركیێ وه‌ك رێكه‌چاره‌یه‌ك بو ده‌سته‌به‌ركرنا مافین كوردان ل باكوورێ كوردستانێ .
به‌رهه‌ڤكرن: نه‌وزاد محه‌ممه‌د
